Labi ng 264 na mga pumanaw na OFWs naiuwi na sa bansa simula nang magkaroon ng pandemic

Umabot na sa 264 na mga nasawing Overseas Filipino Workers (OFWs) ang naiuwi sa bansa ayon sa Overseas Workers Welfare Administration (OWWA).

Ang nasabing datos ayon sa OWWA ay mula nang magkaroon ng pandemic ng COVID-19.

Sa 264 na mga OFWs na pumanaw, 170 ay nasawi dahil sa COVID-19.

Iniuwi ang mga labi sa pamamagitan ng apat na mass repatriation efforts ng pamahalaan.