Nagkalat na gamit nang rapid test kits sa Maynila, nahulog mula sa bisikleta

Nahanap na ng lokal na pamahalaan ng Maynila ang pinanggalingan ng mga nagkalat na rapid test kits sa Sampaloc, Maynila.

Nagdulot ng pagkabahala sa mga residente nang makita nila ang mga gamit nang rapid test na nagkalat sa bahagi ng M. Dela Fuente Street.

Sa video mula kay Manila Mayor Francisco “Isko Moreno” Domagoso, nakita sa CCTV na mayroong sidecar na dumaan sa lugar malapit sa Trabajo Market na may dalang mga sako.

Nahulog ang isang sako sa naturang lugar at iyon ang dahilan ng pagkalat ng test kits.

Martes ng gabi ay pinalinis na ni Moreno ang lugar na pinagkalatan ng test kits.