Dagdag na 14 bicycle racks, inilagay sa mga MRT-3 station
Karagdagang 14 bicycle racks ang inilagay ng Department of Transportation (DOTr) Road Sector sa mga istasyon ng Metro Rail Transit Line 3 (MRT-3).
Ayon sa pamunuan ng MRT-3, ito ay bilang suporta sa kaligtasan ng mga pasaherong bumibiyahe gamit ang bisikleta.
Naglagay ng tig-iisang bike rack sa mga sumusunod na istasyon:
– Cubao
– Santolan
– Ortigas
– Shaw Boulevard
– Boni
– Guadalupe
Apat namang bicycle racks ang inihanda sa bahagi ng Buendia station.
Sa North Avenue at Quezon Avenue station, tig-dalawang bike racks ang pwede nang magamit ng mga pasahero.
Nasa tatlo naman ang inilagay na bicycle racks sa GMA-Kamuning station.
Dahil dito, umabot na sa 17 ang nailagay na bicycle racks sa mga istasyon ng MRT-3.
Sinabi ng pamunuan ng tren na target maglagay ng kabuuang 34 bike racks sa lahat ng istasyon mula North Avenue hanggang Taft Avenue.
Libre itong ipapagamit sa mga pasahero araw-araw.
Paalala naman ng pamunuan ng MRT-3, huwag mag-iwan ng mga mahahalagang gamit at maging maingat tuwing gagamit nito dahil hindi pananagutan ng MRT-3 ang anumang bagay na mawawala o masisira.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.