Comelec offices sa QC sarado muna ngayong araw

Wala munang voter registration ngayong araw sa mga tanggapan ng Commission on Elections sa Quezon City.

Sa abiso sinabi ni Comelec Spokesperson James Jimenez na magsasagawa emergency disinfection ngayong araw sa lahat ng Quezon City Comelec offices.

Dahil dito ang voter registration sa QC ay sisimulan na lamang bukas, Sept. 2.

Magugunitang inanunsyo ng Comelec na simula ngayong araw ay maari na muling magtungo sa Comelec offices ang publiko para magparehistro.