Hindi nakatiis; 4 arestado sa pag-iinuman sa Baguio City isang araw bago bawiin ang pag-iral ng liquor ban

Apat na lalaki ang inaresto dahil sa pag-iinuman sa pinagtatrabahuhan nilang construction site sa Baguio City.

Nadakip ang apat matapos na hindi makapaghintay lalo’t ilang oras na lang naman ay babawiin na ang pag-iral ng liquor ban sa lungsod.

Simula bukas, Sept. 1 ay lifted na ang liquor ban sa Baguio.

Pero hindi na ito nahintay nang magkakatrabahong sina Oscar Labadan, 44; Lugie Basada, 34; Hector Bale, 38 at Jay Basada 22 anyos.

Ang apat ay pawang manggagawa ng Gold Faith Incorporated sa Laguna na mayroong housing project sa Baguio.

Ayon kay Baguio City Mayor Benjamin Magalong, kahit ilang oras na lang ay lifted na ang liquor ban, papanagutin pa rin ang apat.