Kaso ng COVID-19 sa buong mundo mahigit 24.6 million na
Umabot na sa mahigit 24.6 million ang naitatalang kumpirmadong kaso ng COVID-19 sa buong mundo.
Batay sa pinakahuling datos na nakalap ng Radyo INQUIRER hanggang umaga ng Biyernes (Aug. 28) ay 24,605,876 na ang global cases ng COVID-19.
Ito ay makaraang makapagtala ng mahigit 263,000 na bagong kaso sa magdamag.
Ang kaso sa Estados Unidos ay sumampa na sa mahigit 6 na milyon matapos makapagtala ng mahigit 46,000 pang bagong kaso.
Ang Brazil ay nakapagtala ng mahigit 42,000 bagong kaso habang mahigit 76,000 ang nadagdag sa kaso ng COVID-19 sa India.
Ang Colombia ay umakyat na sa pang-pito sa mga bansang may pinakamaraming kaso, matapos maungusan ang datos ng Mexico.
Ang Pilipinas ay nananatili sa pang-22 sa mga bansa na may pinakamaraming kaso sa mundo.
Narito ang bilang ng kaso ng COVID-19 sa iba pang mga bansa:
Brazil – 3,722,004
India – 3,384,575
Russia – 975,576
South Africa – 618,286
Peru – 613,378
Colombia – 582,022
Mexico – 573,888
Spain – 451,792
Chile – 404,102
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.