La Niña, posibleng magsimula sa Setyembre o Oktubre – PAGASA
May posibilidad na magsimula ang La Niña sa bansa sa huling linggo ng susunod na buwan o sa Oktubre, ayon sa PAGASA.
Ayon kay weather specialist Ariel Rojas, maaaring 60 porsyento ang posibilidad ng La Niña o ang pagkakaroon ng mas maraming pag-ulan.
“Hindi naman ibig sabihin agad agad makatatanggap ang ating bansa ng malalakas na pag-ulan. Wala tayong makikitang malawakang pagbaha. Ibig sabihin lang mas mataas sa normal, di naman walang humpay na mga pag-ulan,” paliwanag ni Rojas.
Aniya, ang La Niña ay maaaring tumagal ng isang taon o aabot ito sa 2021.
Noong buwan pa ng Marso, sinimulan ng ahensiya ang pagsubaybay sa posibleng pagkakaroon ng naturang weather phenomenon sa taong 2020.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.