Sen. Tolentino: Programang pabahay, napakahalaga sa gitna ng pandemya
Itinutulak ni Senator Francis Tolentino ang paglalatag ng mga programang-pabahay ng gobyerno sa gitna ng kinakaharap ng bansa na pandemIya.
Diin nito, ang bahay ang nagsisilbing ‘frontline defense’ laban sa COVID-19.
“Kapag sinabi po nating lockdown, stay at home, bahay po yung pinag-uusapan. Pag sinabi po nating quarantine, bahay po iyong pinag-uusapan,” sabi ng senador.
Sa pagdinig ng pinamumunuan niyang Senate Committee on Urban Planning, Housing and Resettlement, ipinaliwanag nito ang pangangailangan para bigyang halaga ang mga programang pabahay.
Inihain ni Tolentino ang Senate Bill No 1774 para maresolba ang ‘housing backlog’ at magkaroon ng sariling bahay ang bawat pamilyang Filipino.
Layon ng kanyang panukala na awtomatikong makapaglaan ng pondo sa mga kinauukulang ahensiya gobyerno para sa malawakang programang pabahay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.