Higit 13.55-M pamilya, nabigyan ng ayuda sa ilalim ng 2nd tranche ng SAP

Napagkalooban na ng ayuda ang mahigit 13.55 milyong pamilya sa ilalim ng 2nd tranche ng Social Amelioration Program (SAP).

Umabot na sa kabuuang 13,554,710 pamilyang benepisyaryo na ang nakatanggap ng cash aid.

Ito ay batay sa datos ng Department of Social Welfare and Development hanggang 4:00, Martes ng hapon (August 25).

Dahil dito, aabot na sa P81.1 bilyon ang nailabas ng DSWD para sa 2nd tranche ng SAP.

Sinabi pa ng kagawaran na tuloy pa rin ang pamamahagi ng emergency subsidy sa mga benepisyaryo ng SAP, kabilang ang mga “waitlisted” o karagdagang mga pamilya.