43 pang pulis, nagpositibo sa COVID-19

Nadagdagan pa ng 43 ang bilang ng mga pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang 6:00, Martes ng gabi (August 25) 3,549 na ang confirmed COVID-19 cases sa hanay ng pambansang pulisya.

685 pulis ang itinuturing na probable cases habang 2,684 ang suspected cases.

36 namang pulis ang gumaling sa nakakahawang sakit.

Dahil dito, 2,557 na ang total recoveries sa hanay ng PNP sa naturang sakit.

Wala namang pulis ang napaulat na nasawi dahil sa COVID-19.

Bunsod nito. 16 pa rin ang COVID-19 related deaths sa pambansang pulisya.