Manila LGU, nai-turnover na ang gagamiting laptops, tablets at pocket Wi-Fi devices sa blended learning sa lungsod
Pormal nang nai-turnover ng Manila City government ang mga laptop, tablet at pocket Wi-Fi device sa Division of City Schools o DepEd Manila.
Ibinahagi ni Mayor Isko Moreno ang ilang larawan kung pag-turnover sa DepEd Manila kasama si Vice Mayor Honey Lacuna-Pangan.
Ayon kay Moreno, gagamitin ito ng mga mag-aaral sa mga pampublikong paaralan sa Maynila para sa Blended Distance Learning Mode.
Sinabi ng alkalde na malapit nang simulan ang pamamahagi nito.
“Paalala po namin sa mga magulang, alagaan niyo po ang tablet para sa anak po ninyo kapag kayo po at makakatanggap. Ito po ay property ng Division of City Schools. Para po tuloy-tuloy ang blended distance learning mode ng anak ninyo,” pahayag ni Moreno.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.