Higit 41,000 pang OFW, nagnegatibo sa COVID-19
Mahigit 41,000 overseas Filipino workers (OFWs) ang lumabas na negatibo sa COVID-19, ayon sa Philippine Coast Guard (PCG).
Base sa datos, 41,396 pa ang negatibo batay sa isinagawang RT-PCR test ng Sub-Task Group for the Repatriation of OFWs hanggang August 25.
Ayon sa PCG, kabilang sa datos ang mga returning overseas Filipinos, OFW at non-OFW.
Para makita ang karagdagang listahan, maaaring bisitahin ang link na ito:
https://bit.ly/34ww5rZ
Maliban pa ito sa naitalang 54,073 ROFs na negatibo sa nakakahawang sakit mula July 8 hanggang 30.
Narito naman ang link ng master list:
https://bit.ly/309ZvJV
Maglalabas ang PRC ng quarantine certificates sa ROFs na makakakumpleto ng mandatory facility-based quarantine at nagnegatibo sa nakakahawang sakit base sa kanilang swab test results.
Ang mga ROF kung saan sinuri ng PRC ang kanilang specimen ay maaaring iberipika ang resulta sa redcross.com.ph/verify at kunin ang quarantine certificates sa [email protected].
Hindi na rin kailangang mag-register ng ROF sa website ng Bureau of Quarantine (BOQ) na quarantinecertificate.com kapag nasuri na ng PRC.
Samantala, inilabas din ng PCG ang listahan ng negative RT-PCR test results ng 7,963 non-PCG lab IDs or barcodes na na-transmit ng Philippine Red Cross (PRC).
Para ma-access, bisitahin ang link na ito: https://bit.ly/3hrH7lX
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.