Pangulong Duterte tiniyak na mananagot ang mga sangkot sa korapsyon PhilHealth

Tiniyak ni Pangulong Rodrigo Duterte na papanagutin ang mga opisyal na sangkot sa korapsyon sa Philhealth.

Sa kaniyang televised public address, sinabi ng pangulo na siya mismo ang mag-eendorso at pipirma ng isasampang reklamo laban sa mga opisyal.

Sa ngayon sinabi ng pangulo na hahayaan niyang gumulong ang imbestigasyon ni Justice Sec. Menardo Guevarra kasama ang mga miyembro ng binuong task force.

Ang binuong task force ay pinamumunuan ng DOJ kasama ang iba pang ahensya ng gobyerno.

Sinabi ng pangulo na sa nalalabing dalawang taon sa kaniyang termino ay nais niyang maubos ang mga kurap sa PhilHealth.