Bilang ng mga nasawi sa pagsabog sa Jolo, Sulu 15 na; mahigit 70 ang sugatan

Umakyat na sa labinglima ang bilang ng mga nasawi sa magkasunod na pagsabog sa Jolo, Sulu.

Sa datos mula sa Western Mindanao Command ng Armed Forces of the Philippines (AFP) na nakalap ng Radyo INQUIRER, 7 sundalo ang nasawi, 6 na sibilyan, 1 pulis, at ang suicide bomber.

Mayroon namang 48 sibilyan na nasugatan, 19 na sundalo at 9 na pulis.

Ang unang pagsabog ay naganap alas 11:55 ng umaga malapit sa Paradise Food Plaza sa Barangay Walled City sa Jolo.

Habang rumeresponde ang mga sundalo at pulis sa bomb site, isang suicide bomber ang nagpasabog malapit naman sa Development Bank of the Philippines ala 1:00 ng hapon.

Nagpatupad na ng lockdown sa buong Metro Jolo para sa kaligtasan ng mga residente.