Buwis ng mga maliiit na negosyo, ipinatatanggal ni Rep. Herrera
Ipinapasama ni House Deputy Majority Leader at Bagong Henerasyon Rep. Bernadette Herrera sa pamahalaan bilang relief package ang pagtanggal ng buwis para sa mga maliliit na negosyong apektado ng COVID-19.
Sabi ni Herrera, nakulangan siya sa mababang interest, non-collateral loans at pagbibigay ng 30-day grace period para sa pagbabayad ng commercial rents ng mga MSME sa ilalim ng Bayanihan to Recover as One Act o Bayanihan 2.
Tinawag din nito na “too little, too late” na commercial rent relief sa mga MSME dahil makalipas ang anim na buwan ay marami nang pwesto ng mga maliliit na negosyo ang nagsara na dahil hindi na makabayad sa kanilang renta.
Ipinaalis din ng mambabats ang red tape sa susunod na COVID-19 relief package para sa mga MSME dahil ang problemang ito ang isa sa pumipigil sa pagusad ng mga negosyo sa gitna ng krisis.
Nanawagan din si Herrera na palawigin din ang nasabing tulong sa mga malalaking kumpanya na may maraming empleyado.
Umaasa ang mambabatas na ang P1.3 trillion na Accelerated Recovery and Investments Stimulus for the Economy o ARISE bill ang magsisilbing ikatlong economic stimulus package na pantugon sa iba pang pangangailangan para makabangon sa COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.