748 na DepEd personnel, students tinamaan ng COVID-19

Umabot na sa 748 ang bilang ng mga tauhan ng DepEd, kasama na mga guro at estudyante, ang tinamaan ng COVID-19.

Ito ang ibinahagi ni Education Usec. Alan Pascua at aniya ang bilang ay hanggang noon lang Agosto 18.

Paliwanag pa ni Pascua, sa naturang bilang, 311 ang guro, 169 ang non-teaching personnel at 268 ang estudyante.

Aniya, 318 ang nanatiling active cases, 408 ang gumaling at 22 ang namatay.

Sa DepEd Central Office, 15 ang naging kaso, siyam ang aktibo, lima ang naka-recover at may isa ang namatay.

Nabatid na sa 22 na namatay, anim ang estudyante, siyam ang guro at pito ang non-teaching personnel.

Ibinahagi din ni Pascua, nagkaroon ng pagbabago sa kanilang COVID-19 protocols alinsunod pa rin sa mga abiso ng DOH.