Rizal Park binuksan muli simula ngayong araw para sa mga nais mag-ehersisyo

Binuksan muli ang Rizal Park o Luneta sa Maynila simula ngayong araw (Aug. 24) para sa mga nais mag-ehersisyo.

Ayon sa National Parks Development Committee (NPDC), may ipatutupad ding pagbabago health protocols sa muling pagbubukas ng parke.

Bukas lamang ang Rizal Park para sa mga mag-eehersisyo mula alas 5:00 ng umaga hanggang alas 9:00 ng umaga kada araw.

Pero bago makapasok sa parke, kailangang mag-check in online.

Gamit ang cellphone, kailangang kumuha ng QR Code sa messanger ng SafePass FB Page.

Ang entry requests ay valid lamang sa loob ng isang araw, perp pwedeng gamitin sa multiple entry at exit sa maghapon.

Kung babalik sa parke, kailangang muling mag-check in online.