Antas ng tubig ng Angat dam at iba pang dam sa Luzon nabawasan

Nabawasan ang antas ng tubig ng Angat dam at iba pang dam sa Luzon sa nakalipas magdamag.

Ayon sa PAGASA-Hyrometeorology Division, ang antas ng tubig ng Angat dam ay nasa 182.82 meters alas-6:00 umaga ng Lunes (August 24) mas mababa ito sa antas nito kahapon na 182.92 meters.

Nabawasan din ang antas ng tubig ng Ipo dam na nasa 99.26 meters mas mababa sa antas nito kahapon na 99.39 meters habang bumaba din ang antas ng tubig ng La Mesa dam na nasa 78.58 mas mababa sa antas nito kahapon na 78.64 meters.

Samantala, ang water level ng Ambuklao, Binga, San Roque, Pantabangan at Caliraya dams ay nadagdagan habang nabawasan naman ang tubig sa Magat dam.