Sen. Lacson, naniniwalang sapat ang mga ebidensya sa anomalya sa PhilHealth

Naniniwala si Senador Panfilo “Ping” Lacson na sapat na ang mga ebidensya at testimonya ng mga testigo para madiin sa P30 bilyong anomalya sina PhilHealth president and CEO Ricardo Morales, at Senior Vice President Renato Limsiaco.

Ayon kay Lacson, matibay ang pahayag ng mga testigo sa tatlong beses na pagdinig na ginawa ng Senado.

Napatunayan aniya sa pagdinig sa Senado na miyembro ng isang mafia ang mga execom members ng PhilHealth.

Sa ngayon, nai-turnover na aniya kay Justice Secretary Menardo Guevarra ang mga dokumento na nakalap ng Senado.

Kasong kriminal aniya ang maaaring isampa sa mga opisyal ng PhilHealth.