Ilang lugar sa Luzon, makararanas pa rin ng pag-ulan

Asahang makararanas pa rin ng pag-ulan ang ilang lalawigan sa Luzon.

Sa thunderstorm advisory ng PAGASA bandang 12:27 ng tanghali, iiral ang katamtaman hanggang mabigat na buhos ng ulan na may kidlat at malakas na hangin sa Nueva Ecija, Pampanga, at Laguna.

Kaparehong lagay din ng panahon ang mararanasan sa Capas, Tarlac; Botolan, Zambales.

Uulanin din ang Quezon partikular ang Guinayangan, Buenavista, Lopez, Mulanay, San Francisco at Mauban.

Sinabi ng weather bureau na posibleng maranasan ang pag-ulan sa susunod na dalawang oras.

Dahil dito, pinag-iingat ang mga residente sa nabanggit na lugar sa posibleng pagbaha o pagguho ng lupa.