Metro Manila, Bulacan uulanin sa susunod na mga oras

Patuloy na makararanas ng pag-ulan ang Metro Manila.

Sa inilabas na thunderstorm advisory ng PAGASA alas 8:59 ng umaga ngayong Biyernes (Aug. 21), katamtaman hanggang sa malakas na pag-ulan ang mararanasan sa Metro Manila at Bulacan.

Ganitong lagay na din ng panahon ang nararanasan sa Ternate, Maragondon at Naic sa Cavite.

Paalala ng PAGASA ang malakas na buhos ng ulan ay maaring magdulot ng pagbaha sa mga mabababang lugar.

Maari din itong magdulot ng landsides sa bulubunduking lugar.