Mga mangingisda ng FV Liberty, kanilang pamilya tatanggap ng P1M mula sa MV Vienna Wood
Magkakaroon ng aregluhan sa pagitan ng FV Liverty 5 at sa MV Vienna Wood na nasangkot sa aksidente sa karagatang sakop ng Mamburao, Occidental Mindoro noong June 27, 2020.
Inanunsyo ni Philippine Coast Guard (PCG) Commandant, Admiral George V Ursabia Jr. na sa Lunes, August 24
magaganap ang formal settlement sa headquarters ng PCG sa Port Area, Maynila.
Ito ay makaraang pumayag ang mga mangingisdang lulan ng FV Liberty 5 na makipagkasundo sa MV Vienna Wood na nakabangga sa kanila.
Sinabi ni Ursabia ang pamilya ng 12 mangingisdang Pinoy na nawawala at 2 pang sakay ng FV Liberty 5 ay tatanggap ng P1 milyon kompensasyon bawat isa mula sa MV Vienna Wood.
Ang Irma Fishing and Trading Inc. na nagmamay-ari sa FV Liberty 5 ay tatanggap naman ng settlement amount na P40 million mula sa MV Vienna Wood.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.