Nakalalasong kemikal pinagmulan ng malalaking bula na nakita sa Tuy, Batangas
Dalawang lalaki ang inaresto sa pagtatapon ng nakalalasong kemikal sa ilog ng Tuy, Batangas kahapon.
Nabahala ang mga residente sa lugar nang makita ang malalaking bula sa ilog na sakop ng Brgy. Sabang.
Nag-trending pa sa social media ang mga larawan na kuha ng isang Darwin Mendoza dahil sa biglang paglitaw ng malalaking bula.
Sa ginawang imbestigasyon ng Tuy Municipal Police Station, nalaman na ang malalaking bula ag mula sa itinapong kemikal sa ilog.
Batay sa pahayag ng mga residente, nakaamoy sila ng masangsang na amoy sa lugar.
Agad namang naaresto ng mga pulis ang dalawang lalaki na naaktuhang nagtatapon ng kemikal.
Nakuha sa kanila ang galon-galong kemikal.
Mahaharap ang dalawa sa kasong paglabag sa RA 9003 at RA 6969.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.