Itinaas ng PAGASA ang heavy rainfall warning sa ilang lalawigan sa bansa.
Sa inilabas na abiso bandang 11:00, Miyerkules ng gabi (August 19), ito ay dulot pa rin ng low pressure area (LPA) at Habagat.
Nakataas ang red warning level sa Cebu partikular sa Central Cebu at Northern Cebu.
Sinabi ng weather bureau na inaasahang makararanas ng matinding pagbaha sa mabababang lugar.
Maaari ring magkaroon ng pagguho ng lupa sa mga mabubundok na lugar.
Nakataas naman ang orange warning level sa Cebu (Southern Cebu) at Occidental Mindoro habang yellow warning level sa Negros Oriental at nalalabing bahagi ng Bohol.
Pinayuhan ang publiko at disaster risk reduction and management council na manatiling nakatutok sa lagay ng panahon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.