BREAKING: Kaso ng COVID-19 sa Pilipinas, 173,774 na
Mahigit 4,600 ang nadagdag sa bilang ng mga tinamaan ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Miyerkules (August 19), umabot na sa 173,774 ang confirmed cases ng nakakahawang sakit sa bansa.
Sa nasabing bilang, 57,498 ang aktibong kaso.
Sinabi ng kagawaran na 4,650 ang bagong napaulat na kaso ng COVID-19 sa bansa.
91.4 porsyento sa active COVID-19 cases ang mild; 6.5 porsyento ang asymptomatic; 0.9 porsyento ang severe habang 1.2 porsyento ang nasa kritikal na kondisyon.
Nakuha ang mga datos mula sa 97 out of 105 licensed laboratories.
Nasa 111 ang napaulat na nasawi.
Dahil dito, umakyat na sa 2,795 ang COVID-19 related deaths sa bansa.
Ayon pa sa DOH, 716 naman ang gumaling pa sa bansa.
Dahil dito, umakyat na sa 113,481 ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.