Pinoy na crew ng isang foreign bulk carrier inasistihan ng Coast Guard matapos maaksidente sa loob ng barko

Nagsagawa ng medical evacuation ang mga tauhan ng Philippine Coast Guard (PCG) sa isang 50-anyos na Pinoy crew ng foreign bulk carrier na MV Konkar Venture sa Sta. Cruz Island, Zamboanga.

Inilikas sa barko ang naturang Pinoy Martes (Aug. 18) ng gabi at agad dinala sa pagamutan.

Ayon sa Coast Guard, nahulog habang paakyat sa hagdan ng engine room ang nasabing Pinoy crew.

Agad ipinadala ng Coast Guard District – Southwestern Mindanao ang BRP Malamawi (FPB-2403) sa lugar para makuha ang pasyente at madala sa ospital.