Barriers sa motorsiklo hindi na kailangan kung ang magka-angkas ay nakatira sa iisang bahay
Simula ngayong araw papayagan na sa mga GCQ area ang pag-aangkas sa motorsiklo kahit walang barrier.
Pero ayon kay oint Task Force COVID Shield commander Police Lieutenant General Guillermo Eleazar may mga itinakdang kondisyon para mapayagan ang pag-aangkas sa motorsiklo.
Kailangang ang magka-angkas ay mayroong dalang ID na magpapatunay na sa parehong bahay sila nakatira o pareho ang address ng kanilang bahay.
Kung hindi nakatira sa iisang bahay, kailangan pa rin ang barrier sa motorsiklo.
Papayagan lang din ang pag-aangkas ng hindi magkasama sa iisang bahay kung APOR ang nakasakay.
Ayon kay Eleazar, kung ang driver ay hindi APOR, pero ang sakay niya ay APOR, papayagan ang pag-aangkas kung may barrier, naka full-face helmet at naka face masks sila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.