Bicol, nakapagtala ng pito pang kaso ng COVID-19

Nakapagtala ng pito pang kaso ng COVID-19 sa Bicol region, ayon sa Department of Health Center for Health Development – Bicol.

Naitala ang mga kaso sa bahagi ng Albay.

Ayon sa DOH CHD-Bicol hanggang August 18, umabot na sa 819 ang mga tinamaan ng nakakahawang sakit sa rehiyon.

Sa nasabing bilang, 401 ang aktibong kaso.

Asymptomatic naman ang 62.88 porsyento sa mga pasyente, 27.72 porsyento ang mild, 3.54 porsyento ang severe habang 2.81 porsyento ang kailangan pang iberipika.

Nasa 11 ang gumaling kung kaya 393 na ang total recoveries sa COVID-19 sa Bicol.

Nanatili naman sa 25 ang bilang ng nasawi bunsod pa rin ng nakakahawang sakit.