Pari na nadawit sa iligal na treasure hunting, sinuspinde
Sinuspinde ni Jaro Archbishop Angel Lagdameo ang isang pari nito matapos masangkot sa treasure hunting.
Sa panayam ng Radyo Inquirer kay Lagdameo, sinabi nito na binigyan ng permiso ni Fr. Nelson Silvela, kura paroko ng San Joaquin, Iloilo ang paghuhukay sa isang sementeryo na itinuturing na National Cultural Treasure.
Ayon kay Lagdameo, mananatiling suspendido si Silvela hanggang hindi natatapos ang imbesigasyon.
Pansamantalang papalit sa puwesto ni Silvela si Fr. Joenick Territorio, spiritual director ng Iloilo Catholic Charismatic Renewal Secretariat.
Paglilinaw ni Lagdameo, si Silvela lamang ang nagbigay ng permiso at hindi pa matiyak kung siya rin ang nagpasimuno ng paghuhukay.
Noong February 24, sampung kalalakihan ang inaresto dahil sa paghuhukay sa loob ng Campo Santo de San Jouaquin, isang mortuary chapel noong panahon ng kastila.
Diumano, may basbas ni Fr. Silvela ang naturang paghuhukay sa loob na hinihinalang ang pangunahing pakay ay ang paghahanap ng nakabaong kayamanan sa naturang lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.