Mga poste nagtumbahan Dimasalang, Masbate matapos ang malakas na lindol

Ramdam na ramdam ng mga residente ng bayan ng Dimasalang, Masbate ang malakas na lindol sa kanilang lugar.

Ayon kay Mayor Michael Demph Du-Naga, may mga TV at electric fan ang nagbagsakan.

Mayroon din anyang mga motor na natumba dahil sa lindol.

Bukod dito, sabi ni Du-Naga may mga poste ang tumagilid sa kanilang bayan.

Tumagal anya ng mahigit limang Segundo ang naramdaman nilang lindol.

Kaiba anya ang lindol na ito dahil parang tumatalon-talon at hindi pag-uga.

Dahil tabi ng dagat, minomonitor nila kung magkakaroon ng low tide pero wala naman anyang nangyayari pa ngayon.

Ang bayan ng Dimasalang ay isang bayan lamang ang layo sa bayan ng Cataingan na episentro ng lindol.