Bilang ng Filipino abroad na tinamaan ng COVID-19, halos 9,900 na
Nasa tatlo pa ang mga napaulat na nagpositibong Filipino sa COVID-19 sa ibang bansa.
Sa datos ng Department of Foreign Affairs (DFA) hanggang August 16, umakyat na sa 9,896 ang mga kumpirmadong positibo sa COVID-19 na Filipino mula sa 72 na bansa at rehiyon.
Sa nasabing bilang, 3,329 ang patuloy na nagpapagamot sa iba’t ibang ospital.
Nanatili naman sa 5,842 ang overseas Filipinos na naka-recover sa nakakahawang sakit o na-discharge na sa ospital.
725 pa rin ang COVID-19 related deaths sa mga Filipino abroad.
Pinakamarami pa ring naitalang confirmed COVID-19 positive na OF sa bahagi ng Middle East/Africa na may 6,892 na kaso.
Sumunod dito ang Europa na may 1,146 confirmed COVID-19 positive cases na OF.
Nasa 791 naman ang kaso sa Americas at 1,067 sa Asia Pacific Region.
Tiniyak ng DFA na sa pamamagitan ng Foreign Service Posts, tututukan ang lagay ng mga Pinoy sa ibang bansa at handang umasiste sa mga Filipino na apektado ng COVID-19 pandemic.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.