Bagyong Gener humina na; isa na lamang LPA ayon sa PAGASA
Humina na ang tropical depression Gener at naging isang Low Pressure Area na lamang.
Ang LPA ay huling namataaan ng PAGASA sa layong 830 kilometers Northeast ng Basco Batanes.
Ngayong araw, sinabi ng PAGASA na Intertropical Convergence Zone (ITCZ) ang nakaaapekto sa Southern Luzon, Visayas, at Mindanao.
Dahil sa ITCZ ang buong Visayas, Bicol Region, MIMAROPA, Caraga, Northern Mindanao, at Zamboanga Peninsula ay makararanas ng maulap na papawirin na may kalat-kalat na pag-ulan at thunderstorms.
Ang Metro Manila at nalalabi namang bahagi ng bansa ay makararanas lamang ng bahagyang maulap na papawirin na may isolated na pag-ulan dahil din sa ITCZ at localized thunderstorms.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.