Sen. Go, handang maunang maturukan ng COVID-19 vaccine mula Russia
Kagaya ni Pangulong Rodrigo Duterte, nakahanda rin si Senador Christopher “Bong” Go na mauna sa pagpapaturok ng bakuna kontra COVID-19 na nagawa ng Russia.
Ayon kay Go, ito ay para ipakita sa sambayang Filipino.
Sa ganitong paraan din aniya, mapapalakas niya ang loob ng mga Filipino na magpabakuna kontra COVID-19.
Una rito, sinabi ng Russia na nakalikha na sila ng bakuna kontra COVID-19.
Nagpahayag na rin ng kahandaan si Pangulong Duterte na mauna sa pagpapaturok ng bakuna.
Pero ayon kay Presidential Spokesman Harry Roque, kinakailangang dumaan muna sa clinical trial ng Food and Drug Administration (FDA) ang bakuna galing Russia bago pa man ito gamitin sa mga Filipino.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.