Mga mag-aaral nakapag-enroll na para sa SY 2020-2021 mahigit 23 million na ayon sa DepEd

Umabot na sa mahigit 23 million na mga mag-aaral ang nakapag-enroll na para sa SY 2020-2021.

Sa datos mula sa Department of Education (DepEd) 23,053,197 na mga mag-aaral na ang nakapagpa-enroll.

Sa nasabing bilang 21,463,111 ang nagpatala sa mga pampublikong paaralan.

1.55 million naman ang nagpa-enroll sa private schools.

Malaking bilang ng enrollees ay sa elementarya na umabot sa 11,272,700.

May nagpa-enroll din na 7,249,900 para sa junior high school habang 2,530,634 sa senior high school.

Madaragdagan pa ang bilang ng enrollees dahil patuloy pa ang enrollment sa ilang pribadong paaralan.