Laguna at Batangas makararanas ng pag-ulan

Makararanas ng pag-ulan dulot ng thunderstorms ang lalawigan ng Laguna at Batangas.

Sa inilabas na thunderstorm advisory ng PAGASA alas 11:32 ng umaga ngayong Martes, Aug. 11 katamtaman hanggang malakas na buhos ng ulan ang mararanasan sa dalawang lalawigan sa susunod na mga oras.

Ganitong lagay na rin ng panahon ang nararanasan sa Mauban at Tayabas sa lalawigan ng Quezon.

Pinag-iingat ang mga residente sa mga mabababang lugar sa posibleng pagbaha.

Maari ding magdulot ng pagguho ng lupa ang mararanasang malakas na buhos ng ulan sa mga bulubunduking lugar.