PSA itinakda sa Setyembre ang pagsasagawa ng Population and Housing Census
Sa Setyembre 2020 isasagawa ng Philippine Statistics Authority (PSA) ang 2020 Census of Population and Housing (CPH).
Orihinal na naka-schedule ang census noong Mayo 2020 pero dahil sa community quarantine ay ipinagpaliban ito.
Ayon sa PSA, naghanda na sila ng mga kondisyon na tutugon sa guidelines ng Department of Health (DOH) at Inter-Agency Task Force on Emerging Infectious Diseases (IATF) para sa gagawing September 2020 field census enumeration.
Umapela din ang PSA sa publiko na lumahok sa census dahil mahalagang makuha ang kumpletong population data.
Tiniyak din ng PSA na protektado ng data privacy ang isasagot ng publiko sa census.
Sisiguruhin ding susundin ng field census workers ang pagkakaroon ng social distancing pagsusuot ng facemasks at face shields habang nagbabahay-bahay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.