Pagpapatayo ng cell sites dapat bumilis na ayon kay Sen. Grace Poe

Umaasa si Senator Grace Poe na bibilisan na ng telco sang pagpapatayo ng kanilang cell sites ngayon buong gobyerno na ang nagtutulak at gumarantiya na wala ng mga balakid.

Sinabi ni Poe ang matagal na aplikasyon at pagpapalabas ng permit para sa pagpapatayo ng cell sites ay hindi na dapat asahan dahil may malinaw ng utos ang Ehekutibo ukol dito.

Ayon pa sa namumuno sa Senate Committee on Public Services, sa kaso ng mga lokal na pamahalaan, ang DILG ay maaring magsagawa agad ng sariling imbestigasyon kapag may reklamo.

Diin ng senadora kapag may sapat na ebidensiya ay maaring maharap sa kaso ang mga lokal na opisyal sa Ombdsman.

Dagdag pa ni Poe maari din kumilos ang Anti Red Tape Authority na binuo sa ilalim ng Ease of Doing Business Act.

Ngayon nakakaranas ng pandemiya ang bansa dala ng COVID 19 at magsisimula na ang distant learning system ng DepEd dapat ay bumuti na ang connectivity rate sa bansa.