DOH nakaranas ng system error sa kanilang database; COVID-19 case bulletin gabi na mailalabas

By: Dona Dominguez-Cargullo - 4 years ago

Ilang oras na male-late ang paglalabas ng COVID-19 Case Bulletin ng Department of Health (DOH) ngayong araw ng Lunes (Aug. 10).

Ayon sa abiso ng DOH, sa halip na alas 4:00 ng hapon ay alas 8:00 ng gabi pa mailalabas ang case bulletin.

Sinabi ng DOH na mayroong hindi inaasahang system error na nagdulot ng non-inclusion ng new cases sa COVIDKAYA-extracted database.

Bagaman natugunan na ang problema, nagdulot ito ng dagdag na oras sa para maiproseso ang mga na-extract na datos.

Nagsasagawa na ng imbestigasyon ang ahensya sa kung ano ang pinamulan ng problema.