Bilang ng mga tinamaan ng COVID-19 sa Kongreso, umakyat na sa 38
Nagpositibo ang isa pang empleyado ng Office of House Speaker Alan Peter Cayetano sa COVID-19.
Sa inilabas na pahayag, sinabi ni House Secretary General Atty. Jose Luis Montales na huling pumasok sa trabaho ang empleyado noong July 28.
Umuwi aniya ang empleyado tatlong oras matapos makaranas ng lagnat, pagkawala ng pang-amoy at body malaise.
Sa ngayon, sinabi ni Montales na wala nang lagnat ang empleyado at bumalik na rin ang kaniyang pang-amoy.
Ngunit, mayroon pa rin itong mild cough.
Nakasailalim pa rin aniya ang empleyado sa home quarantine at tuloy pa rin ang ginagawang contact tracing sa mga nakasalamuha nito.
Sa huling datos, umakyat na sa 38 ang kabuuang bilang ng mga empleyado sa Kamara na nagpositibo sa COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.