Mahigit 22.7M mag-aaral nakapag-enroll na para sa SY 2020-2021

Umabot na sa mahigit 22.7 million na mga mag-aaral ang nakapg-enroll na para sa SY 2020-2021.

Sa datos mula sa Department of Education (DepEd) sa 22,763,759 na mga mag-aaral na nakapag-enroll na, 21,236,004 ang nagpatala sa mga pampublikong paaralan.

1.49 million naman ang nagpa-enroll sa private schools.

Malaking bilang ng enrollees ay sa elementarya na umabot sa 11,131,127.

May nagpa-enroll din na 7,166,930 para sa junior high school habang 2,500,725 sa senior high school.

Madaragdagan pa ang bilang ng enrollees dahil patuloy pa ang enrollment sa ilang pribadong paaralan.