Dagdag na 16,200 pang umuwing Pinoy nag-negatibo sa COVID-19
Simula noong August 1 hanggang ngayong araw August 7 mayroong karagdagan na mahigit 16,000 na mga umuwing Pinoy ang nag-negatibo sa COVID-19.
Base sa inilabas na datos ng Sub-Task Group for the Repatriation of OFWs, nakapagtala ng karagdagang 16,286 na umuwing OFWs at non-OFWs ang nag-negatibo sa isinagawang RT-PCR tests.
Karagdagan ito sa mahigit 11,400 na returning overseas Filipinos na nag-negatibo sa COVID-19 simula noong July 31 hanggang kahapon August 5.
Maaring makita ang listahan ng mga dagdag na nag-negatibong Pinoy sa link na https://bit.ly/3gHnRAU
Ang master list naman ng mga nag-negatibong umuwing Pinoy ay maaring ma-access sa link na https://bit.ly/309ZvJV
Ang mga nasa listahan ay maari nang makipag-ugnayan sa PCG o OWWA personnel sa kanilang quarantine facility para maiproseso ang kanilang pag-uwi sa mga lalawigan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.