Roosevelt Station ng LRT-1 isasara mula Sept. 5 hanggang Dec. 28
Isasara ng mahigit tatlong buwan ang Roosevelt Station ng LRT-1.
Sa abiso ng Light Rail Manila Corporation (LRMC) ang temporary closure sa Roosevelt station ay magsisimula sa September 5 hanggang December 28, 2020.
Ito ay para bigyang-daan ang konstruksyon ng Common Station o Unified Grand Central Station (UGCS).
Ang Common Station ang magkukunekta sa LRT-1, MRT-3, at MRT-7.
Sa nasabing petsa, ang magiging last stop ng LRT-1 northbound ay ang Balintawak station.
Nakikipag-ugnayan ang LRMC sa DOTr at sa MMDA para sa Bus Augmentation Project nito na maaring makatulong sa mga commuter na gumagamit ng Roosevelt station.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.