Ekonomiya ng bansa posibleng makabawi sa 3rd quarter ng taon – Financial Analyst Astro Del Castillo
Posibleng makabawi ang ekonomiya ng bansa sa ikatlong quarter ng taon.
Pahayag ito ng Financial Analyst na si Astro del Castillo sa panayam ng Radyo Inquirer.
Ayon kay Del Castillo, sa panig nilang mga ekonomista inasahan na nila ang pagbagsak ng ekonomiya para sa 2nd quarter ng taon dahil sa pinairal na lockdown.
Sa ikatlong quarter inaasahan aniya nila ang pagbawi ng GDP.
Ani Del Castillo kung hindi naman na mapapalawig ang kasalukuyang umiiral na Modified Enhanced Community Quarantine ay makababawi na ang ekonomiya ng bansa.
Payo ni Del Castillo sa publiko, samantalahin ang pag-iral ng lockdown lalo na sa mga naka-work from home upang pagyamanin ang kanilang kaalaman sa financial management.
Malaking bagay aniya ito lalo ngayong napakamahal ang gastos kapag nagkasakit.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.