Lotto draw sa GCQ at MGCQ areas balik na ngayong araw; P305M ang jackpot prize sa Ultra Lotto

Sisimulan na muli ng Philippine Charity Sweepstakes Office (PCSO) ang pagbebenta ng lotto tickets at lotto draw simula ngayong araw ng Biyernes (Aug. 7).

Sa abiso ng ahensya ito ay gagawin sa mga lugar na nasa ilalim na lang ng general community quarantine at modified general community quarantine.

Kabilang sa papayagan nang ibenta ang lotto tickets para sa 6/42, Mega Lotto 6/45, Super Lotto 6/49, Grand Lotto 6/55 at Ultra Lotto 6/58.

Magsisimula ang selling period alas 7:00 ng umaga hanggang alas 8:00 ng gabi.

At ang draw ay alas 9:00 ng gabi.

Ngayong araw ang jackpot para sa Ultra Lotto ay umaabot sa P305 million.

Samantala, hindi pa naman pinapayagan ng PCSO na mag-resume ang operasyon ng Small Town Lottery Games.