Bilang ng lisensyadong laboratoryo para makapag-test ng COVID-19 cases sa bansa, 100 na

Umabot na sa 100 ang bilang ng mga lisensyadong laboratoryo na makakapagsagawa ng pagsusuri sa COVID-19 sa bansa.

Ayon sa Department of Health (DOH), ito ay batay sa datos hanggang araw ng Huwebes, August 6.

Sa nasabing bilang, 76 ang licensed RT-PCR laboratories habang 24 ang GeneXpert laboratories.

Kasabay nito, nagparating ng pagbibigay-pugay ang kagarawan sa mga COVID-19 laboratory na walang sawang nagsasakripisyo para labanan ang nakakahawang sakit.

Para malaman ang mga lisensyadong COVID-19 laboratory, maaaring bisitahin ang COVID-19 Laboratory Tracker sa link na ito:
https://bit.ly/30lwLOL