PNP Chief Gamboa wala pang iniendorso na papalit sa kaniyang pwesto

Wala nang isang buwan ay aabutin na ni PNP Chief Archie Gamboa ang mandatory retirement age na 56 at inamin niya na wala pa siyang naiisip na papalit sa iiwanan na puwesto.

Nakatakdang magretiro si Gamboa sa Setyembre 2.

Tumangging magbigay ng sagot ang hepe ng pambansang pulisya nang tanungin siya kung may napili na siyang ieendorso kay Pangulong Duterte na maaring ipalit sa kanya.

Miyembro ng PMA Class Sinagtala Class of 1986 at dalawa sa kanyang sinundan sa puwesto, sina Sen. Bato dela Rosa at Oscar Albayalde, ang kanyang mistah o naging kaklase.

Pinalitan ni Gamboa si Albayalde noong nakaraang Oktubre 14.

Kaugnay nito, sinabi ni Gamboa na makikipag-usap pa siya kay Pangulong Duterte kung palalawigin pa ang kanyang termino.