3 miyembro ng NPA patay sa engkwentro sa mga pulis sa Laguna
Tatlong miyembro ng New People’s Army (NPA) ang nasawi sa engkwentro sa mga otoridad sa Laguna.
Higit-kumulang sa 40 na miyembro ng CPP/NPA/NDF ang naka-engkwentro ng mga tauhan ng Philippine National Police (PNP) habang nagsasagawa sila ng operasyon na bahagi ng “Oplan Dirty Dozen” sa Sitio Balatkahoy, Barangay San Antonio, Kalayaan, Laguna.
Tumagal ng halos isang oras ang palitan ng putok na nagresulta sa pagkasawi ni Dioscorro Cello alyas Ka Termo na Platoon Leader ng Platun Laguna-Quezon Melito Glor Command.
Si Cello ay mayroong patong sa ulo na P3.8 Million.
Ang dalawa pang nasawi ay kinilalang sina Ka Omar/Efren at Ka Danny/Mar/Rey.
Nakuha sa lugar ang samu’t saring mga armas at bala.
May nakuha ring isang improvised explosive device at blasting caps.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.