Ilang lalawigan sa Luzon uulanin sa susunod na mga oras ayon sa PAGASA

Makararanas ng pag-ulan sa ilang mga lalawigan sa Southern at Central Luzon.

Sa inilabas na thunderstorm advisory ng PAGASA alas 7:33 ng umaga ngayong Martes (Aug. 4), katamtaman hanggang sa malakas na buhos ng ulan ang mararanasan sa Nueva Ecija, Bulacan, at Quezon.

Pinapayuhan ang mga residente sa mabababang lugar na maging maingat sa posibleng pagbaha.

Ang mararanasan na malakas na buhos ng ulan ay maari ding magdulot ng landslide sa bulubunduking lugar.