Lima katao arestado sa drug buy bust operation sa isang motel sa Koronadal City
Arestado ang lima katao kabilang na ang dalawang babae sa isinagawang drug buy bust operation sa Barangay Santa Cruz sa Koronadal City kagabi.
Ayon kay Supt. Barney Condes, hepe ng Koronadal City police station, nakilala ang mga suspek na sina Ryan Deblois, 19 yrs old ng Purok Kahirup, Barangay Sto. Niño; Eduardo Dolendo at Jeffrey Prinsesa, 40 yrs old at parehong residente ng Barangay Santa Cruz; Ruby Galvez, 20 yrs old ng Purok Magsaysay, Barangay Zone 1; at Michelle Jose, 20 yrs ng Purok Tuburan, Barangay Santa Cruz.
Ayon naman kay Glorio Sandig, action officer ng Anti-Drug Abuse Council sa Koronadal, naaktuhan ang limang suspek na gumagamit ng ipinagbabawal na gamot sa isang kwarto sa Sky Inn bandang alas diyes kagabi.
Nabatid na ang nagmamay-ari ng Sky Inn ang nagbigay ng tip sa pulisya kaugnay sa grupong gumagamit ng droga.
Kasabay nito, kinumpirma ni Condes na kabilang si Prinsesa sa drug watch list ng Koronadal City police station.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.