Iginiit ito ni Tolentino sa kanyang pakikipatalakayan kay Sen. Risa Hontiveros, na sa kanyang privilege speech ay hinanap ang recovery plan sa huling State of the Nation Address o SONA ni Pangulong Duterte.
“Sa narinig ko sa SONA, napakarami pong guidance guidelines na inilatag ng Pangulo, lalo na sa ekonomiya,” depensa pa ni Tolentino.
Binanggit nito ang sinabi ng Punong Ehekutibo na paiigtingin pa rin ang ‘Build, Build, Build’ program para pasiglahin ang ekonomiya.
Dagdag pa ng senador, binanggit din ni Pangulong Duterte ang paggamit sa coco levy fund at ang pagkakaroon ng P66-billion agriculture stimulus fund para iangat ang antas ng pamumuhay ng mga naghihirap na Filipino.
Samantala, ang pagpapabalik sa Metro Manila sa modified enhanced community quarantine (MECQ) ay patunay lang na pinahahalagahan ni Pangulong Duterte ang buhay ng mga Filipino at nakikinig ito sa sentimyento ng mamamayan.